優先股懶人包 (第二包)

優先股係咩嚟?

上網睇大把啦! 簡單講一講算了, 優先股非常近似債劵而唔係大家所認識嘅普通股. 用債劵嘅收益計算及運作模式, 就會好易明白了!

點搵啱自己嘅優先股?

揀優先股同一般定息投資產品一樣, 不外乎幾樣嘢:

• 高收益率 - 股息(Dividend) 或 利息 (Interest) 一般要比同企業嘅債劵為高, 個人覺得至少要多3厘息才合理. 例如:今日匯豐某次級債到期孳息率 (YTM) 約3.5%, HSEA息率為7.37%

• 極低走數機會 - 點解唔用 "違約" 呢個字眼呢? 因為公司唔派息比優先股股東, 基本上唔構成違約. 部份累積型 (Cumulative) 優先股, 會 "有拖冇欠", 其他非累積型 (Non-cumulative)就會當冇左回事, 唔派! 正因為咁, 選擇一些可以輕鬆地為普通股派息嘅公司, 咁同系優先股一定有息派冇差池. 所以呢, 揀優先股一定要睇埋年報, 唔識睇都要睇ETNET 或 AASTOCK 嘅財務擇要. 但如果唔係香港上市公司點算好? 自己上網搵 Annual report 或 Financial report 睇啦!  
• 唔會 "水瓜打狗" - 大部份美股, 包括優先股及普通股, 都會比蠱惑嘅美帝強行收取 30%股息稅. 當中, 優先股比起普通股更需要關注呢點! 因為優先股主要係睇派息, 影響明顯 (例如: 10% 息率得番 7%); 相反普通股股息低得多 (例如: 花旗(C) 股息率1.89%, 花旗N系列優先股(C.PRN)息率7.17%) . 唔想比股息稅? 一係睇Prospectus (招股書), 搵隻唔收嘅; 一係移民番大陸, 因為有稅務協定,好似收10%咋 (即係冇得揀, 睇Prospectus啦)!