公證行行業公開的秘密

第一次寫BLOG, 有什麼做得不足或講錯嘅地方, 請多多包涵, 亦請各位留個言以方便交流.

公證行即第三方, 喺冇利益衝突之下為雙方進行公正的評估, 以下分類係普遍大眾嘅熟悉程度排序:

1. 律師行
2. 樓宇安全檢測 (Safety in Buildings Testing) (驗漏水etc.)
3. 受託於保險公司的公證行 (Claims Adjuster)
4. 消費品檢測 (Consumer Product Testing)

大家對頭三類認知可能比我更多, 我亦不想班門弄斧, 故從略. 我就講講大家最無視嘅消費品檢測及其行內日常生活啦!

由行頭講起, 雖然行業得幾間大公司, 即寡頭壟斷, 但奈何每間公司都不惜一爭取多一分市場份額, 而客人又多數係大公司擁有高議價能力, 再加上高儀器成本, 根據 <波特五力分析> (Porter Five Forces Analysis), 其實呢行係好難做的. 想開公司分一杯羹嘅朋友, 我覺得大家應該有更好嘅選擇.

對打工仔而言, 呢行嘅行頭窄 (打工仔大忌) 但工種又多又零碎, 要做到樣樣精幾乎冇可能. 另外, 同好多行業一樣, 做管理層係唔需要大量基層工種知識的. 所以呢, 要做高層, 識人好過識字啦! 再唔係, 做政府化驗師就更好! 呢行, 可能係世界上政府工和私人公司對員工待遇相差最遠嘅行業!